Foto nu S. Svikšys personeiguo arhiva

     10. novembra dīnys ūtruo puse Rībeņu nūvoda Gaļānūs paguoja atmiņu gaisūtnī i piec tam ari Maltys Trūpūs ar pīminis breidi, gūdynojūt izcylu Latgolys personeibu – literaturys kritiki i tulkuotuoju Stanislavu Belkovski.

Foto: www.rezeknesbiblioteka.lv

     Vēļ raugūt īlēkt aizejūšuo Dzejis mieneša viļcīnī, Rēzeknis Centralajā bibliotekā skaiteituojim i vysim dzejis mīļuotuojim 27. septembrī beja īspieja tiktīs ar Lozdukolna pogosta (Ruguoju nūvods) nūvodpietnīku, literatu i tulkuotuoju Leonardu Rakicki.

Foto: www.rezeknesbiblioteka.lv

     2012. goda 1. augustā Rēzeknis Centralajā bibliotekā tyka prezentāts jauns periodiskais izdavums par Latgolu i tuos ļaudim – žurnals „A12”, kuru izdūd SIA „5 labas ziņas”. Žurnals izīs reizi divūs mienešūs, tymā byus skaitamys reportažys nu Latgolys cīmim, aktuali vīdūkli, intervejis ar uzjiemeigim cylvākim, informaceja par kulturu, regiona šmukuokajom vītom, viesturis liktiņstuosti, tradiceju vierteibys. Izdavums byus dabojams skaiteišonai ari bibliotekā.

Tikšonuos dzejis mienesī

     2012. goda 27. septembrī plkst. 13.00 Rēzeknis Centraluos bibliotekys Konferenču zālī byus tikšonuos ar nūvodpietnīku, literatu i tulkuotuoju Leonardu Rakicki. Pasuokumā izskanēs L. Rakicka latgaliski tulkuotuo pūļu dzejneicys Konstancis Benislavskys (1747–1806) dzeja, kai ari poša literata dzejis skaitejumi. Aicynojam iz interesantu sarunu i vīdūkļu apmaiņu par dzeju i mudynojam sagataveit vaicuojumus! Bibliotekys skaiteitovā apsaveramys K. Benislavskai i L. Rakicikm veļteitys izstuodis.

Olūts 11, Tāvu zemes kalendars 2013 – prezentaceja

     2012. goda 20. julī plkst. 14.00 Rēzeknis Centraluos bibliotekys skaiteitovā nūtiks literaturys almanaha „Olūts” 17. laidīņa i 2013. goda „Tāvu zemes kalendara” attaiseišonys svātki.