Foto: www.rezeknesbiblioteka.lv

 

     „Rēzeknē esmu dzimis un audzis, bet latgaliešu dialektam jābūt tikai sarunvalodā. Deputātiem jārunā pareizā latviešu valodā,” soka Ilmārs. Kū dūmoj i, golvonais, kai sovu vīdūkli pamatoj citi, skaitit avīzī!

 

     Anna Babre roksta par piļcinīti, latgalīšu „rokstu gaismys luktureiti” Vladislavu Luoci, kuram 2012. goda janvarī gaidama opola godskuorta – myuža 100. godadīna, i aicynoj sabraukt itymā jubilejis reizī pi juo kopa Piļcinis kopsātā.

 

     Latgolys Kulturys Centra (LKC) izdevnīceibys vadeituojs Juoņs Eļksnis informej, ka „byutu svareigi 2012. godā izdūt nu jauna Vladislava Luoča romanu „Bruoli””, i mudynoj finansiali atbaļsteit itū īceri. 1997. goda izdavums romanam, kurā Luocs, izmontojūt daudz vītejuos folklorys materialu i nūstuostu, aproksta saimis viesturi nu 19. gs. vyda leidz 20. gs. divdasmytajim godim, šūbreid jau vairs gondreiž naasūt pīejams.

 

     Tai kai 2012. goda augusta suokumā gaidams 3. Pasaulis latgalīšu saīts, LKC izdevnīceiba nuokamgod almanahu „Olūts” i „Tāvu zemes kalendaru” 2013. godam plānoj izdūt jau juļa beiguos, leidz ar tū aicynoj autorus dorbus itim izdavumim īsnīgt piec īspiejis uotruok.

 

     Vēļ itymā numurā skaitams Dagutakolna Apaleitis satiriskais dialogs par politikys vaicuojumim „Es to jūs kruši izmāztu”.